Über uns


Die wichtigste Informatione über unseri CliqueJungi Pfluderi

Bi uns leersch nid numme drummle und pfyffe, sondern au Fasnacht mache!
Willkomme sin Maitli und Buebe ab siebe Joor (erschti Schuelklass).
Mit 18 Joor findet denn dr Übertritt in Stammverein statt.
Näbe dr Fasnacht finde au no ganz vieli witeri Aläss statt. Lueg doch eifach im Terminkaländer was als nägschts aaschtoht!

 

 

 

Drummle und Pfyffe leereJungi Pfluderi

Unseri Iebigsstunde finde jewils am Mittwuch z’Obe zwische 18:00 und 20:00 Uhr in dr Basler Altstadt statt.

D’Damboure iebe im Restaurant Schnabel am Trillegässli 2 und d’Pfyffer iebe im Petersschuelhuus am Peterskirchplatz 5.
Beidi Ort sin mit de öffentliche Verkehrsmittel sehr guet erreichbar.

 

 

 

FasnachtJungi Pfluderi

An de scheenschte drey Dääg im Joor laufe mir immer vor em Restaurant Schnabel, em Stammlokal vo dr Pfluderi Clique, am Rümelinsplatz ab, wo mir au immer wieder abwingge.

Am Morgestraich und am Mittwuch Obe sin mir zämme mit em Stamm und dr Alte Garde, em Asyl, unterwäggs.

Am Mittwuch Obe findet immer dr traditionelli Gotte- / Göttihalt statt, wo die Junge Pfluderi vo ebberem vom Stamm zuenere Crèmeschnitte im Barbara-Käller iiglade werde.

Unsers Fasnachtssujet wird sälbschtverständligg vo de Junge sälber usdänggt, entwigglet und umgsetzt.
So moole mir au unseri Larve und Latärne sälber und entwärfe unsers eigene Requisit.

 

CliquegschichtJungi Pfluderi

D’Pfluderi Clique isch anno 1929 vo Mitglieder vom Veloclub Olympia im Restaurant Schnabel grindet worde. Syt denn hän mir uns zuenere mittelgrosse Stammclique gmauseret, wo immer no im Restaurant Schnabel dehei isch und am Noodlebärg 18 in dr Basler Altstadt dr Cliquekäller het. Mir sin also im Härze vo dr Basler Innestadt dehei!

Im Joor 1946 isch denn die Jungi Garde us dr Daufi ghoobe worde. Im Joor 2006 hän mir denn unsers 60-jöörige Jubiläum miteme zweidäägige Reisli derfe fyre.

Für die ältere Semeschter unter uns isch denn im Joor 1963 no die Alti Garde, s’Pfluderi-Asyl, grindet worde.

Falls du di für no meh interessanti Details über d’Gschicht vo unserer Clique interessiersch, denn lueg doch uf dr Website vom Stamm vrbi!

 


Sujet sit dr Grindig

2017  KUNSCHT m USE um  – E DREIDÄÄGIGI WANDERUSSTELLIG
2016  WO DARF Y AANE LUEGE UND WO NIT – ‚S HIMMELSZÄLT DAS ISCH DR HIT
2015  FACENACHTSBOOK – LAIKSCH MI AU?
2014  WIE HAISST DY BEBBI-GOGGI?
2013  MIR LEENS GRACHE
2012  29. HORNIG, DR DAAG VO DR PFLUDERI
2011  BI UNS LIGGSCH RICHTIG  (NEJS KINDERSPITAL)
2010  PIRATE FRÄSSE CARAMEL – FIR D’PAUSE ZYGS WIE SELLEREIE? DO SIMMER SICHER NIT DERBY!
2009   ME BISSE UNS DURE   (D’ZIRCHER AICHHEERNLI)
2008  NULL BOGG – VOLL BOGG –  WÄR HET WIEVYL BOGG
2007  GAISCHTERSPIIL
2006  BÄÄRESTARGG
2005  ANDERSCHT ALS DIE ANDERE
2004  AU DU WIRSCH NO WIENE YANKEE
2003  WÄR SCHUELT WIE?
2002  SCHNABEL ZUE  – KAI LÄRM
2001  ENNERGIGGERIG
2000  MISS FASNACHT LIVE
1999  KAI LÄBE OHNI SCHWÄBE
1998  BISCH IM SCHILD?
1997  LIEBE JEANNOT
1996  WAS BIM STRUBELPETER NO NORMAL – ISCH HIT MIT SICHERHAIT BRUTAL
1995  TECHNO JODEL GFALLT E HUFFE – NUR DE JODLER SÄLBER NIT
1994  OH IBRAHIM, DU SCHAICH VOM RHY – IN PETRA SIN MER AU DERBY
1993  DR TEDDYBÄR DÄ ISCH FRUSCHTIERT-WEL ALLES IN E BILDSCHIRM STIERT
1992  OH HÄT ME UNS DOCH NIE ENTDEGGT (500 JOHR KOLUMBUS ENTDEGGIG AMERIKA)
1991  MIR SEHN NUMME NO ROT-WYSS (700 JOHR SCHWYZ
1990  SO VYL THEATER  (JEDEM BEBBI SY THEATER)
1989  DOP-IN(G)
1988  BELLA VENEZIA – DU WOTSCH MI NIMME HA
1987  DAS MÄRLI VOM TÄLL – GLAUBSCH AU NIMME, GÄLL?
1986  HUH-HUH – KENNE SY NO SCHLOOFE?
1985  MY HUND HET GÄRN PIZZA – DIE FRISST ÄR IN NIZZA
1984  DASCH DR GIPFEL  (PTT BEGGEREY)
1983  DUESCH AU IN JEDERE GLUNGGE – DY SÖRFBRÄTT YNEDUNGGE?
1982  SHUTTLE SY AU UFF E MOND?
1981  IN SIROPPO VERITAS
1980  WAS „IN“ ISCH IN AMERIKA – MUESS JEDE RÄCHTE SCHWYZER HA
1979  SYT  60 JOHR E GLATTI – ISCH ‚s POPCORN SELMELI RATTI
1978  IM BEUYS SY KUNSCHT   FASCHT UMMESUNSCHT
1977  VOM SANTIHANS BIS RIECHE – HAUTS ALLES ZUE DE GRIECHE
1976  JEDE FLOH KASCH LO GO- UFFEM SEIBI JO
1975  VERDEGGELI DIE DEGGELI
1974  DALBEBRUGG – GIT ME ZRUGG  oder WÄN SY E BRUGG?
1973  BASEL ISCH BÄUMIG
1972  FIR JEDE VOLGSMARSCH-DIPPEL  E BLAGGEDDE MEH AN KITTEL
1971  FINDE SI ‚s WUNSCHKONZÄRT AU Z’LUSCHTIG?
1970  AADIE STAINEBACHGÄSSLI
1969 ME ISCH IM ACV FASCHT ALEWYL FRINDLIG
1968  YIPPIE-HIPPIE-TRA-LA-LA
1967 MOBY DICK
1966  E LUUSIG GWÄNDLI
1965  ALI BABA UND SYNI 40 RAIBER
1964  NEIJI BASLER HYROOTSBRYCH UND FIRZ
1963  DR YBRÄCHER BIM PÖBELMISCHTER
1962 PROSCHT NEIJOHR – BASEL  ALS WINTERKURORT
1961  D’FRAU HANSPETER BUNDESROOT ZIGLET
1960 D’GÄSSLI-DAUFI-SYCHI
1959  D’HULA-HOOP-EPIDEMIE
1958  DR STORGGE SEE
1957  ADIE PFALZBADHYSLI
1956  AI URSULA UND E HUFFE URSELI
1955  DR NEGUS BSUECH
1954 D’BENEFIS-KASSE-GRAMPF-LIGA
1953  D’BALON FUXJAGD VOM TE-CE-ÄS
1952  D’ERZIEHIG ZEM SÄLBSTÄNDIGE FASNÄCHTLER
1951  DR MARSCH UFF BÄRN VO DE GMIESRAMBASSE
1950  D’SPIEGELHOFSTROFYZGE
1949 –
1948  ‚S ACV MÄRGGLI